Ummeed hai kahin koi……

Jab ho jae hataash tu, Na kr sake bardaash tu,

Duniya pe lage bojh sa, Ho zindagi se nirash tu,

Jis daur mein tu aaj hai, raha hoga wahin koi,

Ye yaad rakhna pyare, ummeed hai kahin koi….

 

Jidhar bhi jae haar hai, na kisi ko tujhse pyar hai,

Har koi yahi sochta, tu aadmi beekaar hai,

Sab door tujhse bhagte, yakin kare nahin koi,

Fir bhi tu yahi yaad rakh, ummeed hai kahin koi…..

 

Na dost tere saath ho, na hi koi pariwaar kaa,

Na insaniyat ka rishta ho, Na hi Kisi se pyar kaa,

Akela hi tu reh gya, hai saath tere nahi koi,

Mann mein yahi vishwas rakh, ummeed hai kahin koi…..

 

Na jeb mein hai paisa, na zameen zaydaad hai,

Din bhar apne baap ke, paise kare barbaad hai,

Mummy bhi roz bolti, hai kaam ka nahin koi,

Un baton ko tu bhul ja, ummeed hai kahin koi…..

 

Na naukri na chokri, na tere paas kaam ho,

Din bhar rahe bhatakta tu, bs japta ram naam ho,

Agar tu sach bhi bolta, karta nahi yakin koi,

Tu meri baat yad rakh, ummeed hai kahin koi……

 

Tu chor na kabhi  hausla, bas roz apna kaam kar,

Na bhukh soch pyas soch, na hi koi aaram kar,

Ho dhyan mein tere yahi, hai lakshya tak pahuchna,

Salaam Karen sab tujhe, wo mukam apne naam kar,

Fir yaad karna mujhko tu, hai kaviraj kahin koi,

Aur maan lena dost mere, ummeed hai kahin koi…..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s