“Meri Dost”

Zindagi ka ehsaan rahega jo us se mil paya main,
shayad usi din ke baad dosti ka asli matlab samajh paya main,
meri har uljhan ki suljhan jo pal mein de deti thi,
aisi hi ek meri dost hoti thi…..


Na thi koi udaasi jab bhi wo rehti thi mere paas,
us ne jagah bna rakhi thi mere dil mein koi khas,
uski ik muskan se sari duniya jagmag hoti thi,
aisi hi ek meri dost hoti thi….


Na bhulu aisa tha wo har pal jo maine uske sang kata,
na kuch samjha na kuch jana apna har sukh dukh banta,
fir kyu apne har dukh se mujhko wo paraaya sa kar deti thi,
aisi hi ek meri dost hoti thi….


Din na kat ta tha jab tak main us se mil kar aata tha,
khush rehta har lamha jo main uske saath bitata tha,
fir kaise wo mujhse baat bina apna din bita deti thi,
aisi hi ek meri dost hoti thi….


Ek samay tha jab har din hum saath mein padhne jate the,
milte the hum roj saath dheron baatein kar paate the,
milna to ab dur hua ye ghari(clock) bhi tanhe deti thi,
aisi hi ek meri dost hoti thi….


Na jaane kyu lagta hai wo mujhse ruth gayi shayad,
kya kaaran tha na janu main galti meri hogi shayad,
pehle to meri galti ko wo hansi mein bhula deti thi,
aisi hi ek meri dost hoti thi….


Kya ho sakta hai usko mujhse achche dost mile honge,
jitni main care karta tha kya wo bhi utni karte honge,
itna sab maine soch liya kya wo bhi kabhi sochti thi,
aisi hi ek meri dost hoti thi…..


Na jaane ab ye khayaal kyu reh reh kar mann me aata hai,
main itna kyu sochu jab uska message tak nahi aata hai,
intjar kar kar ke meri aankhein murjha deti thi,
aisi hi ek meri dost hoti thi….


Apne dil pr kabu rakh kr aise khayaalon ko rond diya,
ego ko dala dabbe mein maine hi usko phone kiya,
sari pareshani dur hui jab maine usse baat kari,
wo boli bahut busy thi main uljhan pad gayi thi bohut badi,
jab usne aise samjhaya to kaise na main samajh pata,
aakhir wo dost hai meri inta waqt saath kata,
na jane fir dil mein mere aisa khayaal tak kyu aaya,
apne upar gussa aya main uski mushkil bhi na samajh paya,
ab jab sab kuch thik hua to ishwar se yahi dua hogi,
aisi hi ek meri dost thi,
aisi hi ek meri dost hai,
aisi hi ek meri dost hamesha hogi…….

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s