“School Ke Din”

Un palon ke baare sochta hu to shaam beet jati hai,
school ke dino ki yaad aaj bhi  khoob aati hai…

Wo canteen mein baith kr samose or bread pakode khana,
recess khatam hone ke baad bhi wahan se naa jaana,
fir sports teacher kaa jor jor se sitiyan bajaana,
chalo bhaago sabhi apni class mein aisa chillana,
wo ped ke niche wali bench humein roz bulati hai,
school ke dino ki yaad aaj bhi khoob aati hai…

Subah subah jaate hi morning prayer mein jana,
kabhi housewise kabhi classwise linein bnana,
speeches poetry or weather report sunana,
prayer khatam hote hi temple visit ko  jana,
‘OH GOD HELP US’  ki goonj humein roz jagati hai,
school ke dino ki yaad aaj bhi khoob aati hai….

Har ek ghante ke baad bathroom mein jana,
10 minute shishe ke saamne baal banana,
library ke period mein jitna ho sake late jana,
par games ke period mein bell bajte hi pahuch jana,
us ek OUT PASS ki dus copy kya aaj bhi koi class bnati hai,
school ke dino ki yaad aaj bhi khoob aati hai…

roz pray kiya karte the ki aaj koi ek teacher to naa ae,
fir adjustment mein shayad games ka period lag jae,
par jab games ke period mein bhi yoga karna padta tha,
to bhagwan hi sabko us torture se bachae,
kya aaj bhi wo choti si siti poori class ko PT karwati hai,
school ke dino ki yaad aaj bhi khoob aati hai…

Chahe annual day ya baisakhi koi bhi tyohar manana,
lekin har bar ek rajasthani dance to jaroor ghusana,
teachers day par bachcho ka teacher ban ke aana,
christmas pe santa bnke sabko topi pehnana,
sabse jyada maza to summer vacation hi dilati hai,
school ke dino ki yaad aaj bhi khoob aati hai…

Aaj school ko chore kaafi time beet gaya hai,
lekis sab aise taaza hai jaise kal hi to hua hai,
school jaate the to apne ghar ko bhi bhul jaate the,
kyunki teachers mein bhi apni family ko paate the,
sab teachers bhi bachcho ka yun khayaal rakhti thi,
jaise sabhi ko apna  bachcha hi samajhti thi,
un dosto ke saath bhi kuch aisa mazaa aata tha,
pta bhi na chalta tha or din beet jaata tha,
dosto ki yaad kaviraj ki aankhon mein paani le aati hai,
school ke dino ki yaad aaj bhi khoob aati hai….

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s