Mujhe Naukri kab milegi

Har daftar har company ghooma hun main gali gali,
Chappal ghis gayi pairon ki par ab tak naukri na mili,
Lagta hai ab to ye degree bhi raddi mein bikegi,
Koi to batao mujhe naukri kab milegi…

Bachpan se mujhe mummy banana chahti thi doctor,
Papa bolte the engineer banega mera puttar,
Chacha ke khwab to aasmaan ko chu kar aate the,
Kyunki wo is nalayak ko IPS officer banana chahte the,
Na jaane unhe duniya ki hakikat kab dikhegi,
Koi to batao mujhe naukri kab milegi….

Baarhvi class ke baad kiya engineering karne kaa faisla,
Kai saalo ki kamai dekar college mein mila daakhila,
Poora khandaan bola mann laga kar padhai karna,
Padh padh kar kamar jhuk gayi par aakhir kya mila,
Wo 4 saal ki fees chaku ki tarah dil me chubhegi,
Koi to batao mujhe naukri kab milegi….

Bina naukri ke ye jeb khali hi padi rehti hai,
Aisi haalat mein koi ladki bhi bhav nahi deti hai,
Mere aadhe baal to is chinta mein safed ho gaye yaaron,
Pyar karne se pehle biwi bhi credit card maang leti hai,
Aakhir kab koi ladki mujhe bhi notice karegi,
Koi to batao mujhe naukri kab milegi….

Sarkar kehti hai desh mein sabke liye rozgar hai,
Agar log mehnat karenge to unki kismat mein bhi car hai,
Election se pehle kahenge har yuva ke liye kaam hai,
Par jeetne ke baad bolte hai ye hamare haath ke bahar hai,
Kab jaakar hum sab ke chehre par muskaan khilegi,
Koi to batao mujhe naukri kab milegi….

Salaah(advice) dena to saare rishtedaaro ko aata hai,
Bina matlab ke har koi consultant ban jata hai,
Mummy ki ego to tab hurt hoti hai doston,
Jab padosan bole ki mera beta 50 hazar rupay kamaata hai,
Naa jaane kab jaakar kaviraj ki kismat chamkegi,
Koi to batao mujhe naukri kab milegi….

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s