Mann aaj bhi rota hai…

Bhagwaan Ram ke iss desh mein aisa bhi hota hai,
Ye dekh kar mera mann aaj bhi rota hai…

Jab chalte hue sadak par gandgi nazar aati hai,
Usi gandgi me se ek ladki apni roti uthati hai,
Rahison ke joote ek bacchha polish karta hai,
Khud hi apni zindagi mein kaala rang bharta hai,
Fir kaise koi AC mein chain ki neend sota hai,
Ye soch kar mera mann aaj bhi rota hai….

Har din ek naya ghotala samachar mein aata hai,
Mere bharat ka neta desh ko bech kar khata hai,
Garib budhe ki aankhon par chashmah na lag pata hai,
Par netaji kaa beta dus hazar ka goggle lagata hai,
Chacha nehru ke iss desh me aisa bhi hota hai,
Ye dekh kar mera mann aaj bhi rota hai….

Paida hone se pehle ladki ko maar diya jata hai,
Uske pita ki aankhon mein pani ka katra tak nahi aata hai,
Ladka ho to shahar mein mithai banti jaati hai,
Par ladki ke janm par muh pe muskan bhi nahi aati hai,
Ek bachchi ko kya jeene ka adhikar bhi nahi hota hai,
Ye jaankar mera mann aaj bhi rota hai….

Raste mein ladki dekh kar sitiyan bajate hain
Kapde dekh kar uske character ka hisaab bhi lagate hain,
Aisi harkato se hum saabit kya karna chahte hain,
Kya ghar par baithi apni us behen ko bhul jaate hain,
Aazad bharat ki sadak par ladki ka nikalna mushkil hota hai,
Ye sun kar mera mann aaj bhi rota hai….

Burger or pizza par jitna chahe paisa udate hain,
Bhikhari ke liye jeb mein 1 ka sikka hi paate hain,
Dukan par kaam kar rahe chotu ki madad karna to door,
Uske kapde dekh kar uska khoob mazak udate hain,
Kya nahi lagta ye hamare sanskaro ke saath samjhota hai,
Is hakikat se mera mann aaj bhi rota hai….

Nursery ke dakhile mein bhi paise khaye jaate hain,
Doctor to keval amiro ke bachche hi ban paate hain,
Us maali ka beta to sirf paanchvi tak padhta hai,
Aur hum college ki cantene mein hazaron rupay udate hain,
Ek kitaab kharidne ke liye garib 2 raat bhukha hi sota hai,
Ye soch kar mera mann aaj bhi rota hai….

Ye sab padhkar bhi agar aapko koi ehsaas nahi hota hai,
To kaviraj ka mann hamesha ki tarah aaj bhi rota hai…..
Mera mann aaj bhi rota hai…..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s