Panipat Ki Yaadein

Maano sadak par chalte hue 500 ka note kisi ko milta hai,
Thik waise hi panipat ke naam se mera chehra khilta hai,
Jahan bhi jata hu koi na koi dost mil hi jata hai,
Fir kya batau jo mazaa saath me momos khane me aata hai,
Chahe kile ki aalu puri ya sonepat ki chat hai,
Garmiyon me faluda or gole ki apni hi baat hai,
Apna mittal mall to pura hill station sa lagta hai,
Kyunki garmiyon me AC sirf wahin pe chalta hai,
Prime mall me to garmi kuch yun satati hai,
AC cinemax me bhi banyan gili ho jati hai,
Sham ke 5 baje pura maahaul hi badal jaata hai,
Panipat ka ring road bhi NEW YORK sa nazar aata hai,
Nazar jidhar bhi jaye bas khubsurti hi nazar aati hai,
Har din aankhon ki acchhi khasi excercise ho jati hai,
Ladkiyan bhi yaaron aise taiyyar hokar aati hain,
Maano chacha ke bete ke mundan par jaati hain,
Ladke bhi apni shakal par kuch kum nahi itrate hain,
2 paise ki shakal pe 2 hazar ka goggle lagate hain,
Lekin kuch bhi kaho apne panipat mein koi to baat hai,
Doston ke saath guzara har pal aaj bhi mere saath hai,
Har chehra har rasta apna sa nazar aata hai,
Jab bhi kaviraj laut kr panipat aata hai,
Naam mein beshak pani ho pr shahad(honey) si baatein karte hain,
Panipat si kahin baat nahi jahan yaaron pe sb marte hain,
Jab dost musibat me apna parwah na kisi ki hoti hai,
Chahe chot lage kisi ek ko par sabki aakhein roti hai,
Wo school wo tution wo yaadein yaaron ko paas mein lati hai,
Panipat ki yaadein mujhko roz tadpati hai,
Mujhko roz rulati hai………

Advertisements

3 thoughts on “Panipat Ki Yaadein

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s